झापा / देशभरमै माैसम बदली भएर चिसाे बढ्न थालेपछि स्वास्थ्य तथा जनसंख्या मन्त्रालयले सचेत रहन स्वास्थ्य मन्त्रालयले आग्रह गरेकाे हाे ।
मन्त्रालयका प्रवक्ता डा. प्रकाश बुढाथोकीले चिसो र प्रदूषण बढेका बेला शारीरिक रुपमा सक्रिय हुन र प्रशस्त तरल पदार्थ र पौष्टिक खाना खान सुझाव दिएका छन्। पछिल्ला हप्ताहरुमा काठमाडौंमा रहेका अस्पतालहरुमा उपचारका लागि पुग्ने मध्ये दम, खोकी र श्वासप्रश्वासका बिरामी धेरै रहेको मन्त्रालयले जनाएको छ।
यसबाट बच्नका लागि संत्रमितबाट टाढा रहन, चिसोबाट जोगिन र समस्या देखिए स्वास्थ्यकर्मीलाई देखाउन मन्त्रालयले सुझाव दिएको छ। इन्फ्लुएन्जाका मुख्य लक्षणहरुमा ज्वरो आउनु, टाउको दुख्नु, खोकी लाग्नु , घाँटी दुख्नु, नाक बन्द हुनु वा सिँगान बग्नु, जिउ र मांसपेशी दुख्नु, थकान महशुस हुने रहेका छन्।
पछिल्लो सयम काठमाडौं उपत्यकाका सबै जसो मापन केन्द्रहरुमा प्रदूषण मापन सूचक एक्यूआई १ सय ५० आसपास वा त्यो भन्दा बढी पुगेको छ। प्रदूषण र चिसो मिसिएको समयमा धुँवा धूलोमा टाँसिएर इन्फ्लूएन्जा, राइनो र डडिनो जस्ता भाइरसहरूको संक्रमण बढ्ने चिकित्सकले बताउदै आएका छन्।
