मिति २०८२।०९।०७ गते राति करिब २२:५० बजेको समयमा झापा जिल्लाको भद्रपुर नगरपालिका–०८ स्थित किरात भवन अगाडि अचेत अवस्थामा लडिरहेका करिब ५०/५५ वर्ष उमेरका एक पुरुषलाई स्थानीयको सहयोगमा उद्धार गरी तत्काल उपचारका लागि प्रादेशिक अस्पताल भद्रपुरमा भर्ना गरिएको थियो।
उपचारका क्रममा रहेका ती व्यक्तिको आज मिति २०८२।०९।१२ गते साँझ करिब २०:२० बजेको समयमा निधन भएको अस्पताल स्रोतले जनाएको छ। हाल मृतकको शव सोही अस्पतालमा राखिएको छ।
मृतकको नाम, थर तथा ठेगाना हालसम्म खुल्न नसकेको र कुनै पनि आफन्त वा नातेदार सम्पर्कमा नआएको जनाइएको छ। सम्बन्धित निकायले मृतकको पहिचान खुलाउने प्रयास गरिरहेको छ।
