झापा । भद्रपुर नगरपालिकाले आगामी आर्थिक वर्ष २०८३।०८४ का लागि चालु आर्थिक वर्षकाे भन्दा २७ करोड ७४ लाख २२ हजार बजेट बढी ल्याएको छ । नगरपालिकाको १८ औं नगरसभाले स्वीकृत गरेको नीति तथा कार्यक्रम बुधबार प्रस्तुत गर्दै उपप्रमुख राधा कार्कीले आगामी बर्षकालागि एक अर्ब ७ करोड ७९ लाख ५० हजार रुपैयाँ बराबरको बजेट प्रस्तुत गरिन् ।
उपप्रमुख कार्कीले आन्तरिक स्रोत ८ करोड, राजस्व बाँडफाँडतर्फ सङ्घबाट १२ करोड ८० लाख २ हजार, प्रदेशबाट एक करोड १० लाख र स्थानीयबाट ४ करोड अपेक्षा राखिएको छ । त्यसैगरी सङ्घीय सरकारबाट प्राप्त हुने समानीकरण अनुदानबाट १७ करोड ३५ लाख रहेको छ भने प्रदेशबाट १ एक करोड ६७ लाख ४६ हजार रहेको छ । त्यस्तै सङ्घीय समपूरक अनुदानबाट ३५ लाख, सशर्त अनुदान पुँजीगतबाट २८ लाख, विशेष अनुदानबाट २ करोड ८४ लाख रहेको छ । त्यसैगरी सङ्घीय सर्शत अनुदानमा ३० करोड ३ लाख,पुँजीगतमा २८ लाख र प्रदेशमा ३ करोड ४२ लाख २ हजार अपेक्षा गरिएको छ ।
चालू आर्थिक वर्ष २०८२।०८३ मा नगरपालिकाको बजेट ८० करोड ५ लाख २८ हजार रहेको थियो ।
