झापा । खानेपानी उपभोक्ता तथा सरसफाई समिति भद्रपुर–१० चन्द्रगढीको २१ औं वार्षिक परिषद साधारण सभा सम्पन्न भएको छ । समितिका अध्यक्ष पुरुषोत्तम अधिकारीको सभापतित्व तथा प्रदेश सांसद एकराज कार्कीको प्रमुख आतिथ्यमा मङ्गलबार चन्द्रगढीमा सम्पन्न भएको हो ।
अध्यक्ष अधिकारीले समितिको वार्षिक प्रतिवेदन प्रस्तुत् गरेका थिए । समितिले गत आर्थिक वर्ष २०७९। ८० मा सहयोग तथा अनुदान समेत गरी २ करोड ९० लाख ३४ हजार ८ सय ६० रुपैयाँ ९५ पैसा आम्दानी गरी ९ लाख २१ हजार ६ सय ८३ रुपैयाँ ५७ पैसा बचत गरेको जनाएको छ । त्यसैगरी चालु आर्थिक वर्ष २०८० । ८१ का लागि २ करोड ३४ लाख १७ हजार ९ सय १६ रुपैयाँ ५७ पैसा आम्दानी र ७ लाख २२ हजार ९सय १६ रुपैयाँ ५७ पैसा बचत गर्ने लक्ष्य लिएको प्रतिवेदनमा उल्लेख गरिएको छ ।
समितिका सहसचिव झुमा शिवाकोटी दाहालले स्वागत गरेको कार्यक्रममा भद्रपुर नगरपालिका प्रमुख गणेश पोखरेल, चन्द्रगढी दोस्रो खानेपानी उपभोक्ता समितिका अध्यक्ष चुडामणि मैनालीले मन्तव्य राखेका थिए । कार्यक्रमको सञ्चालन समितिका सचिव बावुराम कार्कीले गरेका थिए ।
सुरुमा ४४ किलोमीटर पाइपलाइनसहित १ हजार ५६ धारा सङ्ख्याबाट सुरु भएको संस्था हाल ४ हजार उपभोक्ता र १ सय ५० किलोमीटर भन्दा बढी पाइपलाइन निर्माण भइसकेको समितिले जनाएको छ ।
