झापा । कालोपत्रे सडक निर्माणको माग राख्दै स्थानीयले सडक अवरुद्ध पारेका छन् । विर्तामोड – भद्रपुर सडक खण्ड अन्र्तगत चन्द्रगढी लेखनाथ चोकको सडक अवरद्ध पारेका हुन् । चन्द्रगढी आसपासका स्थानीयले आइतबार विहान लोखनाथ चोक र उत्तरतर्फ खानेपानी कार्यालय छेउमा ढाट र अन्य सामग्री राखेर सडक बन्द गराएका छन् । मोटरसाइकल,साइकल र अत्यावश्यक सवारी साधन वाहेक अन्य रोकेका छन् । भद्रपुरबाट विर्तामोड र विपरित दिशाबाट आएका सवारी साधन फिर्ता गएर वैकल्पिक सडकबाट सञ्चालनमा आएका थिए ।
धुलोका कारण सडकमा बसीनसक्नु भएपनि अब पानी हालेर धुलो बन्द गर्ने हैन कालो पत्रे सडक नै एक सुत्रिय माग रहेको उनीहरुले जनाएका छन् । हिउँदमा धुलो मारेर के गर्नु वर्षायाममा हिलाम्मे सडक हुन्छ भन्दै नेता र ठेकेदार प्रति आक्रोसित देखिएका थिए । विर्तमाेड ८ देउनीय पुलदेखी चन्द्रगढी भैरब चोकसम्म ठेक्का लागेपनि अलपत्र पारेर काम नगरेको भन्दै उनीहरु विरोधमा उत्रिएका छन् । समस्या समाधानका लागि नामावली समेत सङ्कलन शुरू गरेकाे देवेन्द्र थाम्सुहाङ्ले बताए ।
