साङ्केतिक तस्विर
झापा । झापामा पानीमा डुबेर पाँचजनाको मृत्यु भएको छ ।
मृत्यु हुनेमा कन्काई १ बस्ने कुलबहादुर रसाईलीकी छोरी ५ वर्षीया सोनिया रसाईली ,मेचीनगर ७ का ६० वर्षीय गणेश बस्नेत , गौरीगंज २ बाहुन टोल बस्ने ६० वर्षीय रबि सोरेन ,गौरादह २ का ६० वर्षीय बाबुराम हस्दा र भद्रपुर ८ का ३५ वर्षीय बुद्धिम किस्कु रहेका छन् ।
जिल्ल प्रहरी कार्यालय झापाले दिएकाे विवरण अनुसार दुई दिनअघि बिरिङ खोलाको पानीमा डुबेर कन्काई १ की रसाईलीको कन्काई ८ स्थित बिरिङ खोलाको पानीमा डुबेर मृत्यु भएको थियाे ।
त्यस्तै असार ४ गते दिउँसो २ बजे मेचीनगर नगरपालिका वडा नम्बर ७ इटाभट्टास्थित निर्माणाधीन एसियन हाइवेको किनारमा जमेको पानीमा डुबेर सोही ठाउँका बस्नेतको मृत्यु भएको थियो भने त्यसको अघिल्लो राति गौरीगंज २ बाहुन टोलका सोरेनको आफ्नै घरदेखि अन्दाजी ५० मिटर दक्षिणमा रहेको सडकको नालीको पानीमा डुवेर मृत्यु भएको थियो ।
त्यस्तै गत जेठ ३ गते गौरादह २ सिटिया टोलस्थित बाटो छेउको पैनीमा डुबेर हस्दाको मृत्यु भएको थियो । त्यसअघि गत बैशाख ३० गते
भद्रपुर ८ दुखाबस्तीमा घरछेउको पैनीमा डुबेर किस्कुको
मृत्यु भएको थियो ।
