साङ्केतिक तस्वीर
झापा । संस्थाको ३ करोडभन्दा बढी रकम हिनामिना गरेको आरोपमा पक्राउ परेका सहकारीका कर्मचारी जेल चलान भएका छन् । बिर्तामोडमा मुख्य कार्यालय रहेको शिवगञ्ज सेवा केन्द्रका प्रमुख जीवन भुजेल जेल चलान भएका हुन् ।
झापा जिल्ला अदालतको ८ नम्बर न्यायाधीश ऋत्तबहादुर पुलामी मगरको शुक्रबारको इजलासले भुजेललाई पुर्पक्षका लागि थुनामा पठाउने आदेश दिएको अदालतले जनाएकाे छ ।
भुजेलले सहकारीकाे ३ करोड ३५ लाख ४०० रुपैयाँ हिनामिना गरेको आरोपमा गौरादह २ घर भई सहकारीको शिवगञ्ज सेवाकेन्द्रको प्रमुख रहेका २८ वर्षीय भुजेलले सहकारीको सम्पत्ति , बचत तथा ऋण हिनामिना गरेका थिए ।
सहकारीले उजुरी दिएपछि भुजेललाई चैत ३ गते पक्राउ गरिएको थियो ।
