झापा । सवारी दुर्घटना गराएर फरार रहेका चालक पक्राउ परेका छन् । झापाको दमक नगरपालिका–९ का ३१ बर्षिय फरार चालक युबराज तामाङलाई प्रहरीले पक्राउ गरेको जिल्ला प्रहरी कार्यालय झापाले जनाएको छ । को १ ख ४१४२ नम्बरको मिनिट्रकका चालक तामाङले गत मंसीर ६ गते बिहान ५ः३५ बजेको समयमा दमक–५ का ७९ बर्षिय केवल भन्ने कमलप्रसाद खरेललाई सोही वडास्थित पूर्व पश्चिम राजमार्गको पाथीभरा पेट्रोल पम्प पूर्व सडक किनारामा लडी अचेत अवस्थामा फेला परेका थिए ।
उक्त जानकारी पाउना साथ प्रहरीले उद्धार गरी अस्पताल पठाईएकोमा उपचारको क्रममा उनको मृत्यु भएको थियो । घटना सम्बन्धमा नेपाल प्रहरी केन्द्रिय अनुसन्धान ब्युरो र इलाका प्रहरी कार्यालय दमकबाट खटिएको प्रहरी टोलीले अनुसन्धान गर्दा घटनाको प्रारम्भीक अनुसन्धानमा सवारी दुर्घटना भएको देखिएको र उक्त सवारी दुर्घटनामा संलग्न रहेको पीडिततको जाहेरीको आधारमा घटना पश्चात तत्काल फरार रहेको को १ ख ४१४२ नम्बरको मिनिट्रकको चालक तामाङलाई झापा जिल्ला अदालतबाट पक्राउ अनुमति लिएको थियो ।
फरार
प्रतिवादी युबराज तामाङ र को १ ख ४१४२ नम्बरको मिनि ट्रकलाई प्रहरीले
आइतबार नियन्त्रणमा लिएको हो । नियन्त्रण गरिएको सवारी ज्यान मुद्दामा
अनुसन्धान भइरहेको जिल्ला प्रहरी कार्यालय झापाले जनाएको छ ।
