झापा । मेचीनगर क्षेत्रमा रहेका सामुदायिक कुकुर व्यवस्थापन गर्न
माग गर्दै स्थानियले आज ज्ञापनपत्र बुझाएका छन । स्थानियहरुले मेचीनगर १०
वडा कार्यलय मार्फत नगरपालिका क्षेत्रमा रहेका सामुदायिक कुकुरहरुको कारण
सिर्जित समस्याहरुको बारेमा ध्यानाकर्षण गराउदै ज्ञापनपत्र बुझाएका हुन ।
वडा नम्बर १० का वडाध्यक्ष नारायण खनाललाई बुझाइएको ज्ञापनपत्रमा नगरका सवै वडामा र बिशेष गरि वडा नम्बर १० का बिभिन्न टोल तथा सडकहरुमा सामुदायिक कुकुरहरुले सर्वसाधारण मानिस र गाइबस्तु समेतलाई आक्रमण गर्ने तथा टोक्ने गरेको उल्लेख छ । जसबाट रेबिज सर्ने तथा जनधनको क्षति हुने गम्भिर अवस्था रहदाँ पनि नगरपालिकाले कुनै कदम नचालेको भन्दै ज्ञापन पत्रमा सामुदायिक कुकुरहरुको व्यवस्थापनका लागि उचित कदम चाल्न माग गरिएको छ ।
६० जना स्थानियवासी तथा व्यवसायीहरुको हस्ताक्षर सहित वुझाइएको ज्ञापनपत्रमा सामुदायिक कुकुरहरुको व्यवस्थापनमा बन्ध्याकरण प्रभावकारी हुन सक्ने सुझाव दिइएको छ ।
