झापा / माध्यमिक शिक्षा परीक्षा (एसईई) २०८१ को नतिजा प्रकाशनका लागि तयारी गरिएको छ ।
नतिजा प्रकाशनको निर्णय गर्नका लागि राष्ट्रिय परीक्षा बोर्डको बैठक आज बस्ने तयारी गरिएको राष्ट्रिय परीक्षा बोर्डका सदस्य सचिव जंगबहादुर अर्यालले जानकारी दिए ।
उनले एसईई नतिजा प्रकाशनको तयारी अन्तिम चरणमा पुगेको बताए । त्यसका लागि बोर्डको बैठकबाट निर्णय गरिने बताए । बोर्डको आजको बैठकले नतिजा प्रकाशनको मिति र अन्य आवश्यक निर्णय गर्ने अपेक्षा गरिएको छ ।
यस वर्षको एसईई परीक्षा चैत ७ गतेदेखि सञ्चालन भएको थियो। परीक्षामा नियमिततर्फ ४ लाख ३१ हजार ४६६ र ग्रेडवृद्धितर्फ ६७ हजार ७१५ गरी कुल ४ लाख ९९ हजार १८३ विद्यार्थी सहभागी भएका थिए ।
