झापा । झापाको भद्रपुरमा पहिलो पटक गङ्गा आरती हर्साेउल्लासका साथ सम्पन्न भएको छ । भद्रपुर ५ देविवस्ती स्थित मेची गङ्गा किनारमा आइतबार साँझ महा आरती सम्पन्न भएको हो । काठमाडाै पशुपति मन्दिर स्थित वागमति गङ्गामा हुने आरती नै मेची गङ्गामा आयोजना गरिएकाे थियाे ।
विश्वशान्तिकाे कामना गर्दै भद्रपुर वडा नम्बर ५ का वडाअध्यक्ष बन्धु कार्कीसहितकाे कार्की परिवारले सन्ध्या महा आरती आयाेजना गरेका थिए । काठमाडाै पशुपति मन्दिर स्थित वागमति गङ्गामा आरती गर्ने गुरू नारायणा घिमिरेले आरती गरेका थिए ।
कार्यक्रममा नगर प्रमुख गणेश पाेखरेल,उपप्रमुख राधा कार्की,वडाअध्यक्ष लगायत सदस्यहरू,प्रहरी ,विभिन्न सङ्संस्था,धर्म प्रेमी भक्तजनहरूकाे उल्लेखिय उपस्थिति रहेकाे थियाे । पण्डित पिताम्बर अधिकारीले सहजीकरण गरेकाे कार्यक्रममा सत्यसाइ केन्द्र भद्रपुर, भद्रपुर मारवाडी महिला मञ्च लगायतले भजनकिर्तन गरेका थिए ।
कार्की परिवारले आयाेजना गरेकाे आरतीकाे भावलाइ देखेर प्रत्येक बर्ष छठ पर्वका दिन अस्ताउदै गरेकाे सूर्यलाइ अर्घ दिइसकेपछि महाआरती गर्ने नगर प्रमुख पाेखरेलले घाेषणा गरेका थिए । सवै व्यवस्थापन नगरले गर्ने उनले जनाए । 
मेची गङ्गा तटमा स्थापित सुर्यनारायण मन्दिर परिसरमा गणेश चतुर्थीको
अवसरमा शनिबार कार्की परिवारले गणेश भगवानको मूर्ति स्थापना गरेका थिए । आरती हुने भएपछि मेची गङ्गा किनारमा विभिन्न
सङ्घ संस्था ,प्रहरी कर्मचारी लगायतले सरसफाइ गरेका थिए ।
असाध्यै राम्रो मेचि ऐतिहासिक र धार्मिक थलाे हाे । अब यसलाई पर्याटकिय स्थल समेत बनाउन पर्छ।
अति सह्रानीय कार्य, मेचीमा गङ्गा आरती शुरूवातको लागि , स्वागत सम्मान प्रकट गर्दछौ। भक्तिले शक्ति प्रदान अवश्य गर्दछ। जय ,जय मेची महारानी , जय सूर्यदेव, जय गणपति बाबाकी जय।