साङ्केतिक तस्विर
झापा । काठमाण्डौका दुई युवा लागूऔषधसहित काँकडभिट्टाबाट पक्राउ परेका छन् । पक्राउ पर्नेमा काठमाण्डौ महानगरपालिका वडा नं. २५ असन चोक बस्ने ४० वर्षीय अजय चित्रकार र काठमाण्डौं २३ ओमबाहल टोल बस्ने ३७ वर्षीय सुशिल मानन्धर रहेकाे जिल्ला प्रहरी कार्यालय झापाले जनाएकाे छ ।
प्रहरीले दिएकाे जानकारी अनुसार मेचीनगर ६ पुरानो मेची पुलमा प्लाष्टिकसहित १५ ग्राम १०० मिलिग्राम र प्लाष्टिकबाहेक १२ ग्राम ४२० मिलिग्राम ब्राउन सुगरसहित इलाका प्रहरी कार्यालय काँकरभिट्टा र लागूऔषध ब्युरो ईकाई कार्यालय काँकरभिट्टाबाट खटिएको संयुक्त प्रहरी टोलीले भारतबाट नेपालतर्फ सिटी रिक्सामार्फत आउँदै गरेका दुवैलाई लागूऔषध ओसारपसार गरिरहेको शंका लागेर चेकजाँच गरेको थियो । अजय चित्रकारले लुकाई छिपाई लागूऔषध ल्याएका थिए ।
