झापा / झापाको भद्रपुर नगरपालिका वडा नं १० सत्रबिगेमा पैसा माग्दा नदिएपछि रिसको झाेकमा नातिले ७२ वर्षीया हजुरआमामाथि खुकुरी प्रहार गरेका छन् ।
आज बिहान अन्दाजी ५ बजे सोही ठाउँ बस्ने २७ वर्षीय महेश सुबेदीले आफ्नै हजुरआमा ७२ वर्षीया थिनमाया सुबेदीको घरमा आएर पैसा माग्दा नदिएपछि हजुरआमा माथि खुकुरी प्रहार गरी घाइते बनाएका हुन् । थिनमाया घरमा एक्लै बस्दै आएकी थिइन् ।
घाइतेलाई उपचारको लागि प्रादेशिक अस्पताल भद्रपुर पठाइएको छ । उनको चिउडो काटिएको छ । खुकुरी प्रहार गर्ने नाति महेश सुबेदी फरार रहेकाले खोजतलास भइरहेको प्रहरीले जनाएको छ ।
