झापा । झापाको शिवसताक्षी नगरपालिका वडा नं ३ भोटेपुलमा शुक्रबार बिहान एकै घरका दुई बालकसहित तीनजना मृत फेला परेका छन् ।
सुजन बेस्राकी श्रीमती २५ वर्षीया अन्जली बेस्रा , उनका छोराहरु ९ वर्षका बिशाल बेस्रा र ३० महिनाका आयुष बेस्रा मृत फेला परेकाे जिल्ला प्रहरी कार्यालय झापाले जनाएकाे छ । अन्जली झुन्डिएको अबस्थामा फेला परेकी छन् । आफ्ना दुई छोरालाई विष सेवन गराई हत्या गरेपछि उनले आत्महत्या गरेको हुनसक्ने आशंका गरिएको जिल्लाका डिएसपी कृष्णकुमार चन्दले जानकारी दिए । यस विषयमा प्रहरीले अनुसन्धान शुरू गरिएकाे जनाएकाे छ ।सुजन बेस्रा वैदेशिक रोजगारीमा कतारमा रहेको बताइएको छ ।
