प्रतिबन्धित लागुऔषध ब्राउन सुगरसहित दुइजना युवा भद्रपुरबाट पक्राउ परेका छन् । पक्राउ पर्नेमा भद्रपुर १० का अन्दाजी ४३ बर्षीय संतोष कुमार काफ्ले र साेही स्थानका बर्ष ३६ को विजय राजबंशी रहेकाे जिल्ला प्रहरी कार्यालय झापाले जनाएकाे छ ।
प्रहरीले दिएकाे विवरण अनुसार आइतबार विहान १० बजे भद्रपुर ५ मेचिपुल स्थित अस्थाई प्रहरी बिट मेचिपुलबाट खटिएको प्रहरी टोलीले भारत देखि नेपाल तर्फ आउँदै गरेको पैदल यात्रीलाई शंका लागि चेकजाँच गर्ने क्रममा उनीहरूले लुकाई छिपाई ल्याउँदै गरेको (प्लाष्टिक सहित ३ ग्राम ६०० मिलिग्राम) प्लाष्टिक बाहेक २ ग्राम ८७० मिलिग्राम ब्राउन सुगर फेला परेको जिल्लाका डिएसपी खगेन्द्रबहादुर खड्काले जानकारी दिए । लागुऔषध सहित दुवै जनालाई नियन्त्रणमा लिई जिल्ला प्रहरी कार्यालय झापामा राखि थप अनुसन्धान कार्य जारी रहेको उनले जनाए |
