झापा । झापामा रतुवा खोलाले बगाएर एककाे मृत्यु भएको छ ।
दमक नगरपालिका ८ मा रहेको
रतुवा खोलामा घुँगी टिप्न खोलामा पसेका शिवसताक्षी ३ घर भई हाल दमक ८ गंगा
शिवाकोटीको घरमा डेरा गरी बस्ने ३६ वर्षीय राजु मण्डलकाे ज्यान गएकाे जिल्ला प्रहरी कार्यालय झापाले जनाएकाे छ ।
मण्डललाई खोलाले बगाएर बेपत्ता बनाएपछि संगै घुँगी खोज्न गएका साथी दमक ८ बस्ने बर्ष अन्दाजी ४०–४२ का तिलक बुढाथोकीले इलाका प्रहरी कार्यालय दमकमा जानकारी गराउनासाथ इलाका प्रहरी कार्यालय दमक र सशस्त्र प्रहरी बल पाडाजुँगीबाट खटिएको संयुक्त टोलीले खोजतलास गर्ने क्रममा विहीबार बिहान ९ः२० बजे दमक नगरपालिका वडा नम्बर ८ र १० छुट्याउने दिपिनी र रतुवा खोलामा जोडिने दोभानमा उनी मृत अवस्थामा फेला परेकाे प्रहरीले जनाएकाे छ ।
मण्डलको शवको सम्पूर्ण कानुनी प्रकृया पुरा गरी पाेस्टमार्टमको लागि दमक अस्पताल दमकमा पठाइएको प्रहरी कार्यालयले जनाएको छ ।
