साङ्केतिक तस्वीर
झापा । झापाको बिर्तामोड १० मा गएराति एकै घरबाट दुईवटा मोटरसाइकल चोरी भएको छ ।
बिर्तामोड १० बस्ने शंकर बेघाको घरबाट दुईवटा मोटरसाइकल चोरी भएको हो ।
बेघाको मे ११ प ५९७५ नं को पल्सर र उनकी श्रीमती नेपाल बहुउद्देश्यीय
सहकारी संस्थामा काम गर्ने निशा लिम्बूको मे ११ प ५३२१ नं को स्प्लेन्डर
हराएको हो । घरमा राखिएको दुईवटै मोटरसाइकल चोरी भएकोमा मे ११ प ५९७५ नं को
पल्सर घरदेखि करिव ७ सय मिटर पर झाडीमा वुधबार बिहान भेटिएको छिमेकी चन्द्र
राईले बताए ।
उता गएराति हल्दिबारी १ गोलधापमा एउटा बेवारिसे मोटरसाइकल फेला परेको छ । राति ८ बजेको समयमा मे ३ प ९१४९ नं. कोे सीबीजेड रातो कालो रंगको मोटरसाइकल फेला परेको प्रहरी चौकी गोलधापले जनाएको छ ।
