झापा । आगामी आर्थिक वर्ष २०८३/८४ का लागि बिर्तामोड नगरपालिकाले १ अर्ब १५ करोड ६८ लाख १३ हजार ५७६ रुपैयाँको बजेट सार्वजनिक गरेको छ । बुधबार नगरसभाको दोस्रो कार्यकालअन्तर्गत नवौँ अधिवेशनमा उपप्रमुख नगेन्द्रप्रसाद सङ्ग्रौलाले आय-व्यय विवरण प्रस्तुत गरेका थिए ।
सामाजिक विकासतर्फ शिक्षा, स्वास्थ्य, महिला, बालबालिका, दलित, आदिवासी जनजाति, खेलकुद तथा वडास्तरीय कार्यक्रमका लागि ९ करोड ३८ लाख ,आर्थिक विकासअन्तर्गत कृषि, पशुपालन, उद्यम विकास, रोजगारी, सीपमूलक तालिम, पर्यटन तथा अन्य कार्यक्रमका लागि ३ करोड ८१ लाख , वन, वातावरण, सरसफाइ तथा विपद् व्यवस्थापनका लागि १ करोड ७० लाख ,शिक्षा क्षेत्रमा ३ करोड १८ लाख, स्वास्थ्य कार्यक्रमका लागि १ करोड, कृषि विकासका लागि १ करोड ६ लाख र प्रधानमन्त्री रोजगार कार्यक्रमअन्तर्गत सीप तथा रोजगारी प्रवर्द्धनका लागि ७१ लाख रुपैयाँ बजेट प्रस्ताव गरिएको छ ।सहकारी प्रवर्द्धनका लागि १० लाख रुपैयाँ छुट्याइएको छ ।
बैठकमा विषयगत समितिका संयोजकहरूले आफ्नो क्षेत्रका उपलब्धि, समस्या र चुनौती समेटिएका प्रतिवेदन नगर प्रमुखलाई बुझाएका थिए ।
