प्रहरी हिरासतमा दर्जीसगै मृतक खडका
झापा । तीन दिनअघि लागूऔषधसहित पक्राउ परेका एक थुनुवाको इलाका प्रहरी कार्यालय काँकडभिट्टामा मृत्यु भएको छ ।
बिरामी भएर धुलावारीको आम्दा अस्पतालमा भर्ना गरिएका मेचीनगर ७ का २८ वर्षीय झकबहादुर खड्काको त्यही मृत्यु भएको जिल्ला प्रहरी कार्यालय झापाले जनाएकाे छ । उपचारकै क्रममा उनको मृत्यु भएको जिल्लाका डिएसपी कृष्णकुमार चन्दले जानकारी दिए ।
साउन १३ गते बिहान ९ः४५ बजे मेचीनगर नगरपालिका वडा नं.६ पुरानो मेची पुलमा लागूऔषध नियन्त्रण ब्युरो काँकडभिट्टा र इलाका प्रहरी कार्यालय काँकडभिट्टाबाट खटिएको संयुक्त प्रहरी टोलीले चेकजाँच गर्ने क्रममा भारतबाट नेपालतर्फ आउँदै गरेका खड्कालाई शंका लागेर चेकजाँच गर्दा प्लाष्टिकले पोका पारेर बाँया हातको हत्केलामा मुठ्ठी पारी लुकाई राखेको ५ ग्राम ५७० मिलिग्राम ब्राउनसुगर फेला परेको थियो । उनलाई नियन्त्रणमा लिई सोधपुछ गर्दा उक्त लागूऔषध मेचीनगर नगरपालिका वडा नं. ७ बस्ने ३० वर्षीय खडगबहादुर दर्जीले भारतबाट खरिद गरि काँकडभिट्टासम्म पुर्याई दिनु भनि दिई पठाएको खुलेको थियो । मे.२ प. ८५४१ नम्बरको मोटरसाइकलसहित दुवैलाई पक्राउ गरी इलाका प्रहरी कार्यालय काँकडभिट्टाको हिरासतमा राखिएको थियो । मृतक खड्काको परिवारले शव बुझ्न नमानेको बताइएको छ ।
