साङ्केतिक तस्विर
झापा । महिलालाई जबरजस्ती करणी गरी भारत भागेका एक व्यक्ति पक्राउ परेका छन् । पक्राउ पर्नेमा ललितपुर महानगरपालिका वडा नं.१६
बस्ने ४७ वर्षीय प्रवेक डंगोल रहेकाे जिल्ला प्रहरी कार्यालय झापाले जनाएकाे छ ।प्रहरीले दिएकाे विवरण अनुसार पाँच महिनाअघि मेचीनगर नगरपालिका वडा नं. १३ चारआलीस्थित ओझा होटलमा एक महिलालाइ जबरस्ति करणी गरेकाे आराेप लागेकाे थियाे ।
खाेजतलासका क्रममा मङ्लबार दिउँसो ३ बजे भारतबाट नेपालतर्फ आउँदै गर्दा काँकडभिट्टा बसपार्कमा उनलाई पक्राउ गरिएको हो । डंगोल भारतबाट नेपालतर्फ आउँदैछन् भन्ने गोप्य सूचनाका आधारमा इलाका प्रहरी कार्यालय धुलावारीबाट खटिएको प्रहरी टोलीले इलाका प्रहरी कार्यालय काँकडभिट्टासँग समन्वय गरी पक्राउ गरेको जिल्ला प्रहरी कार्यालयले जनाएको छ ।
गत फागुन २५ गते राति मेचीनगर नगरपालिका वडा नं. १३ चारआलीस्थित ओझा होटलमा ३२ वर्षीया महिलालाई जबरजस्ती करणी गरी उनी फरार भएका थिए ।टिकटकमार्फत चिनजान भएपछि डंगोलले ललितपुरबाट झापा आएर ती महिलालाई जबरजस्ती करणी गरेका थिए ।
