झापा । झापाको बिर्तामोड ५ स्थित नयाँ बसपार्कको सुकुम्बासी बस्तीमा रहेको तीनतले घर भारी वर्षाका कारण जमिनमा भासिएको छ।
आज बिहानको राति २ बजेतिर सुगम पैनीमा आएको पानीको बहावले घरको जग खोल्दा ७० वर्षीय पहलमान ठाकुरको सो घर कोल्टिएको हो । घर ढल्किदै गएपछि त्यहाँ रहेका मानिस र केही सामानहरु बाहिर निकालिएको छ । त्यस घरमा दुईजना मात्र बस्ने गरेका थिए ।
घर भासिएर अन्दाजी २०–२५ डिग्रीमा ढल्किएको प्रहरीले जनाएको छ । सो घर पुरै खाली गराउने तयारी भइरहेको जनाइएको छ ।
