झापा, असार १९ झापाको मेचीनगर नगरपालिका–१४ दुवागढीमा शुक्रबार बिहान विद्युत् सर्ट भएर भएको आगलागीमा एक घर पूर्णरूपमा जलेर नष्ट हुँदा करिब रु. ४२ लाख बराबरको क्षति भएको छ।
प्रहरीका अनुसार बिहान करिब १०:४५ बजे स्थानीय चुडामणि गुरागाईंको एकतले टिनको छानो र काठको बेराले बनेको चार कोठे घरमा अचानक विद्युत् सर्ट भई आगलागी भएको हो।
आगलागीका कारण घरभित्र रहेका सुन, चाँदी, नगद रकम, टेलिभिजन, दराज, पलङ, लत्ताकपडा तथा अन्य घरायसी सामग्री पूर्णरूपमा जलेर नष्ट भएका छन्। प्रारम्भिक विवरणअनुसार घटनाबाट करिब रु. ४२ लाख बराबरको आर्थिक क्षति भएको प्रहरीले जनाएको छ।
घटनामा कुनै मानवीय वा चौपाया क्षति भएको छैन।
स्थानीय बासिन्दा, नेपाल प्रहरी तथा मेचीनगर नगरपालिकाका दुई वटा दमकलको संयुक्त प्रयासमा आगोलाई बिहान ११:४० बजे पूर्ण रूपमा नियन्त्रणमा लिइएको थियो।
प्रहरीले विद्युत् सर्टका कारण आगलागी भएको प्रारम्भिक निष्कर्ष निकालेको छ भने घटनाबारे थप अनुसन्धान भइरहेको जनाएको
