सुनसरीमा स्कुल बस नहरमा खस्दा १४ जना विद्यार्थी घाइते भएका छन् ।
बिहीबार दिउँसो साढे ४ बजे सुनसरी गढी गाउँपालिका– ४ मा रहेको शोभा जेनियल इङलिस स्कुलको ग १ प १३८१ नम्बरको बस छिटाहास्थित चिमडी औराबनी भित्री सडक खण्डमा नहरमा खसेको थियो ।
विद्यार्थीलाई घर पुर्याउन गएको बस दुर्घटना हुँदा १४ जना विद्यार्थी सामान्य घाइते भएका जिल्ला प्रहरी कार्यालय सुनसरीले जनाएको छ ।
घाइते हुनेमा वर्ष ९ की राधिका उराव, वर्ष ४ की सृष्टि साह, वर्ष ५ की हृष्टि उराव, वर्ष ११ की निशा उराव, वर्ष ११ का आकाश साह, वर्ष ९ की राधिका उराव, वर्ष ९ की राधिका मण्डल, वर्ष ८ को एसन साफी, वर्ष ९ को आसिफ साफी छन् ।
त्यस्तै वर्ष ५ को आफ्ताव साफी, वर्ष ८ की इसिका कुमारी राजभर, वर्ष ९ की रोसनी राजभर, वर्ष ८ को डम्बर राम र वर्ष ९ की काव्य उराव पनि घाइते भएका छन् । उनीहरु सबै बर्जु गाउँपालिका– ६ का विद्यार्थीहरु हुन् ।
तीव्र गतिका कारण बस दुर्घटनामा परेको प्रहरीले जनाएको छ । बसमा ३५ विद्यार्थी सवार थिए ।
