ओस्टियोआर्थराइटिस घुँडामा हुने समस्या हो । घुँडाको जोर्नी दुख्नुको धेरै कारण हुन सक्छन् । बढ्दो उमेर, खानपान, लड्दा लागेको चोटपटक आदि इत्यादि । कयौँ पटक सुन्निएर वा सङ्क्रमणले पनि घुँडा दुख्ने गर्छ । तपाईँको शरीरमा प्रोटिन वा क्याल्सियमको कमी छ भने पनि यो समस्या हुन सक्छ । सुन्तला, कागती, मौसमी फलफूल जस्ता अमिला फलफूल भिटामिन सिको राम्रो स्रोत हो । यी फलफूलको सेवनले हड्डी र जोर्नीलाई स्वस्थ राख्न मद्दत मिल्छ ।
जामुन
स्ट्रबेरी, ब्लुबेरी, रास्पबेरीजस्ता जामुनहरूमा एन्टिअक्सिडेन्ट र एन्थोसायनिन्स हुन्छ, जसले शरीर सुनिएको र जोर्नीको दुखाइ कम गर्न सक्छ ।
भुईँ कटहर
भुईँ कटहरमा ब्रोमेलेन नामक इन्जाइम हुन्छ, जसले सुन्निएको कम गर्न र जोर्नीको दुखाइ कम गर्न मद्दत गर्दछ ।
अम्बा
अम्बा भिटामिन सी को अर्को राम्रो स्रोत हो । यसले शरीरमा कोलेजन उत्पादन बढाउँछ र हड्डी बलियो बनाउन सक्छ ।
अङ्गुर
अङ्गुरमा एन्टिअक्सिडेन्ट र पोलिफेनोल हुन्छ । यसले सुन्निएको र अक्सिडेटिभ तनाव कम गर्छ । यसले जोर्नीको दुखाइ पनि कम गर्न सक्छ ।
स्याउ
स्याउमा फ्लेभोनोइड हुन्छ, जसले एन्टी–अक्सिडेन्टको रूपमा काम गर्छ र सुन्निएको कम गर्न सघाउँछ ।
मेवा
मेवामा भिटामिन सी र भिटामिन ई पाइन्छ, जुन जोर्नीको स्वास्थ्यका लागि फाइदाजनक मानिन्छ ।
किवी
किवीमा भिटामिन सी प्रचुर मात्रामा पाइन्छ । यसले सुन्निएको कम गर्छ र अक्सिडेटिभ तनाव घटाउन पनि मद्दत गर्दछ । यसको नियमित सेवनले घुँडाको दुखाई घटाउन मद्दत मिल्छ ।
