झापा । जिल्लास्तरीय खुल्ला निबन्ध लेखन प्रतियोगितामा झापाका सान्तवनासहित चारवटा विद्यालय उत्कृष्ट भएका छन् ।
‘लागुऔषध दुव्र्यसनमा विद्यार्थीको भूमिका’ विषयक जिल्लास्तरीय खुला निबन्ध प्रतियोगितामा जिल्लाका निजी र सामुदायिक गरी ४० वटा विद्यालयले भाग लिएका थिए ।
सहभागिता जनाएकामध्ये देवकोटा एजुकेशन फाउन्डेसन कन्काइकी छात्रा अनुष्का गुराँगाइ प्रथम ,कन्काई माध्यमिक विद्यालयकी छात्रा कुशुम तामाङ द्धतिय , राष्ट्रिय रमणीय आवासीय मावि, दुधेकी छात्रा तुतीय र सान्तवनामा कञ्चनजङ्घा अङ्ग्रेजी मावि बिर्तामोडकी छात्रा निर्जला गौतमले उत्कृष्ट स्थान हासिल गरेका हुन् ।
उनीहरुलाइ चेतना नेपाल भद्रपुर–७ को आयोजनामा शुक्रबार लागूऔषध दुरुपयोग तथा ओसार पसार विरुद्ध अन्र्तराष्ट्रिय दिवस जुन २६ को अवसरमा पुरस्कार वितरण गरिएको थियो । उनीहरुलाइ क्रमश २५ हजार, २१ हजार, १५ हजार र सान्तवनास्वरुप ११ हजार नगदसहित प्रमामणपत्रद्धारा पुरस्कृत गरिएको थियो । विजेता प्रतियोगिलाइ भद्रपुर नगर प्रमुख गणेश पोखरेल,उपप्रमुख राधा कार्की, प्रमुख जिल्ला अधिकारी शिवराम गेलाल लगायतले वितरण गरेका थिए ।
गत वैशाख ५ गतेदेखि सुरु भएको निबन्ध लेखन अभियानको अन्तिम परिणाम अनुसार उनीहरुलाइ छनौट गरिएको आयोजकले जनाएको छ ।
कार्यक्रममा सहभागी भएका ४० वटै विद्यालयलाई सहभागिताको प्रमाणपत्र तथा मायाको चिनो समेत वितरण गरिएको थियो ।
संस्थाका अध्यक्ष एवम प्रमुख प्रशिक्षक ईन्द्र प्रसाद ओलीले कार्यक्रमको औचित्यमाथि प्रकाश पार्दै विद्यार्थी अवस्थादेखि नै लागुऔषध विरुद्ध सचेतना फैलाउन आवश्यक रहेको बताए । कानून वनेपनि कार्यान्वयन हुननसकेको उनले बताए । झापाका सवै पालिकामा चेतना नेपालको समिति गठनगरी समाजमा फैलिरहेको लागुऔषधको भयावह स्थितिलाइ न्यूनिकरणका लागि अझ शसक्तरुपमा अभियान चलाउने बताए । संस्थाकी कार्यालय प्रमुख कल्पना भट्टराईले स्वागत मन्तव्य राख्दै सन्देशमुलक गित तथा कविता सुनाएकी थिइन् ।
कार्यक्रमका प्रमुख अतिथि एवं नगर प्रमुख पोखरेलले समाजमा बढ्दै गएको लागुऔषध दुव्र्यसन न्यूनीकरण गर्न विद्यार्थी र विद्यालयको भूमिका अग्रपङ्क्तिमा रहने उल्लेख गरे । समाजले हेर्ने दृष्टिकोण फरक भएको लागुऔषध प्रयोग कर्ताले गुनासो गरेको उनले बताए । संस्थाका मानार्थ सदस्य शिवकुमार राजभण्डारी विद्यालयका राजेन्द्र कुमार घिमिरे लगायतले सचेतनामूलक अभियानले समाज रूपान्तरणमा ठुलो टेवा पुग्ने विश्वास व्यक्त गरे ।
कार्यक्रमको सञ्चालन जनसम्पर्क अधिकारी प्रेमकुमार सेढाइले गरेका थिए ।
सामाजिक रूपान्तरण, जनचेतना अभिवृद्धि र विकृति विसङ्गति विरुद्ध निरन्तर क्रियाशील रहँदै आएको एक प्रतिष्ठित र अगुवा सामाजिक संस्था हो । झापाको भद्रपुर–७ लाई मुख्य कार्यक्षेत्र बनाएर वि.सं.२०६८ मा स्थापना भई संस्थाले विशेष गरी युवा तथा विद्यार्थी वर्गलक्षित सचेतना कार्यक्रमहरू सञ्चालन गर्दै आएको छ ।
समाजमा व्याप्त लागुऔषध दुव्र्यसन, बालविवाह, र लैङ्गिक हिंसा जस्ता गम्भीर सामाजिक मुद्दाहरूमा चेतना जगाउने काम गर्दै आएको छ ।
