झापा । धरान उपमहानगरपालिका क्षेत्रका सडकमा
लगाइएको पार्किङ शुल्क कानून विपरित रहेको भन्दै राष्ट्रिय स्वतन्त्र
पार्टी (रास्वपा) धरान नगर समितिले हस्ताक्षर अभियान सुरु गरेको छ ।
सचिव श्रेष्ठका अनुसार तीन दिनसम्म
हस्ताक्षर अभियान सञ्चालन गरेर, जनभावना बुझि ज्ञापनपत्र सहित धरान
उपमहानगरपालिकामा बुझाउने कार्यक्रम रहेको छ ।
उपमहानगरपालिकाले
पार्किङ शुल्क उठाउन ठेक्का लगाएपछि ठेकेदारका कर्मचारीले राजमार्ग र
सहायक राजमार्गमा रोकिएका मोटरसाईकल, स्कुटर र अन्य सवारी साधन चालकसँग
शुल्क उठाउँदै आएका छन् ।
नगर
आफैंले निर्माण गरेको पार्किङ स्थलको मात्र शुल्क उठाउन पाउने कानूनी
व्यवस्था रहेको छ । तर, धरान उपमहानगरपालिकाले आफ्नो अधिकार क्षेत्रभित्र
नपर्ने कोशी राजमार्ग र सहायक राजमार्गमा कानुन विपरित शूल्क उठाएको
रास्वपाको धारणा छ ।
