झापा / आज बिहान कोशी प्रदेशका विभिन्न भूभागहरूमा वर्षा भइरहेको छ।
पछिल्लो एक घन्टामा झापाको कनचकवल मापन केन्द्रले ८ मिलिमिटर वर्षा मापन गरेको छ। मोरङ , सुनसरी र इलामका एक-दुई स्थानमा पनि वर्षा भएको छ।
पछिल्लो ६ घन्टामा कोशी, मधेस, बागमती, गण्डकी र लुम्बिनी प्रदेशका विभिन्न स्थानहरूमा हल्का वर्षा भएको महाशाखाको वेबसाइटले देखाउँछ।
बिहीबार दिउँसो देशभर आंशिकदेखि साधारणतया बदली रहनेछ।
त्यस्तै कोशी प्रदेश, बागमती प्रदेश, लुम्बिनी प्रदेश, गण्डकी प्रदेश र सुदूरपश्चिम प्रदेश लगायत देशका पहाडी भू-भागका थोरै स्थानहरूमा र बाँकी भू-भागका एक-दुई स्थानमा मेघगर्जन/चट्याङ सहित हल्कादेखि मध्यम वर्षाको सम्भावना रहेको महाशाखाले जनाएको छ।
देशका उच्च-पहाडी तथा हिमाली भू-भागका एक-दुई स्थानमा हल्का वर्षा/ हिमपातको पनि सम्भावना रहेको छ।
