झापा / झापाकाे झापा गाउँपालिका –६ बियर फ्याक्ट्रीनजिकै ग्यास सिलिण्डर पड्केर घरमा आगलागी भएको छ ।
राधेश्याम मण्डलकाे भान्सा घरमा रहेकाे सिलिण्डर पड्केर आगलागी शुरु भएको वडा नं ६ का वडाध्यक्ष नविनकिशोर थापाले जानकारी दिएका छन् । राति ८.३० बजे शुरु भएको आगलागीवाट ४ सय वटा परेवा पनि डढेर मरेका छन् ।
टाँटीवेराले घेरेको माथि टिनको छानो भएको भान्सा घर र सुत्ने घर पूर्णरुपमा जल्दा ४ लाख बराबरको क्षति भएको छ । आगोलाई स्थानीयबासी , जनप्रतिनिधि र प्रहरीले नियन्त्रणमा लिएका थिए।
