झापा । काेशी प्रदेशसहित नेपालका ७४ जिल्लामा डेंगुका संक्रमित फेला परेका छन् । गएको पुसयता ३८ सय ७२ जनामा डेंगु संक्रमण पुष्टि
भएको हाे । स्वास्थ्य सेवा
विभागअन्तर्गत इपिडिमियोलोजी तथा रोग नियन्त्रण महाशाखाका अनुसार पछिल्लो
२४ घण्टामा १७ जना नयाँ संक्रमित फेला परेका छन् ।यस्तै पछिल्लो सात दिनमा २६६ जना संक्रमित भएका छन् भने डेंगुका कारण २
जनाको मृत्यु भएको छ । इडीसीडीको आँकडाअनुसार पछिल्लो सात दिनमा गण्डकी प्रदेशमा ६०, बागमतीमा ६५,
लुम्बिनीमा ६०, कोशीमा २६, कर्णालीमा ३५, सुदूरपश्चिममा १८ र मधेश
प्रदेशमा २ जना नयाँ संक्रमित पुष्टि भएका छन् ।सात प्रदेशका संक्रमित संख्या हेर्दा गण्डकीमा १४९, बागमतीमा ८११,
लुम्बिनीमा ६८६, कोशीमा ६४७, सुदूरपश्चिममा ४४७, कर्णालीमा १५५ र मधेशमा ७७
जनामा डेंगु संक्रमण पुष्टि भएको छ ।
