झापा । सनसाईन बचत तथा ऋण सहकारी संस्था लिमीटेड भद्रपुर–१० चन्द्रगढीको ११ औं बार्षिक साधारण सभा सम्पन्न भएको छ । समितिका अध्यक्ष बालकृष्ण बास्तोलाको सभापतित्व तथा भद्रपुर नगर पालिका वडा नम्बर १० का वडाअध्यक्ष टेकबहादुर खडका(काजी)को प्रमुख आतिथ्यमा शनिबार चन्द्रगढीमा सम्पन्न भएको हो ।
अध्यक्ष बास्तोलाले संस्थाको सांगठनिक प्रतिवेदन प्रस्तुत गर्दै सहकारीले निम्न आय भएका ७ जना सदस्यलाई
निःशुल्क स्वास्थ्य विमा गरिदिने जनाए ।
कार्यक्रममा शेयर सदस्य सन्ततीबाट २०८० सालको एसईई परिक्षामा उत्कृष्ट आरती राजवंशी र सृष्टि साहलाई नगद सहित प्रसंशा पत्र प्रदान गरेर सम्मान गरिएको
थियो । यसैगरी उत्कृष्ट कारोबार गर्ने फुलमाया मगर,दुर्गा माया
योङहाङ,कुमारी मगर र सन्तोषी नेम्वाङलाई नगद सहित प्रसंशा पत्र प्रदान
गरेर सम्मान गरिएको थियो भने जेष्ठ सदस्य नन्द माया भट्टराईलाई कपडा सहित प्रसंशा पत्र
प्रदान गरेर सम्मान गरिएको थियो ।
संस्थाका उपाध्यक्ष श्याम खतिवडाले स्वागत गरेको कार्यक्रममा प्रमुख अतिथि खडका ,सल्लाहकार डिल्ली ढकाल ,जयराज राजवंशीलगायतले शुभकामना मन्तव्य राखेका थिए । कार्यक्रममा सञ्चारकर्मी एवम अतिथिहरुलाइ मायाको चिनो प्रदान गरिएको थियो ।
कार्यक्रमको सञ्चालन समितिका सचिव टिका प्रसाद दाहालले गरेका थिए ।
२०७० सालमा ३९ जना शेयर सदस्यबाट स्थापना भएको संस्थामा हाल १५ सय ४० जना शेयर सदस्य रहेको संस्थामा १ करोड २४ लाख ७२ हजार ७ सय रुपैयाँ शेयर पूँजीरहेको तथ्याङ्कमा उल्लेख छ ।
