मोरङको कानेपोखरी गाउँपालिका–७ मा बस र मोटरसाइकल ठक्कर हुँदा एक महिलाको मृत्यु र एक पुरुष घाइते भएका छन्। झापाको काँकडभिट्टाबाट धरान जाँदै गरेको गोर्खा यातायातको बस (को १ ख ७४८२) ले मोटरसाइकल (स ४ प ५८४१) लाई ठक्कर दिएको हो।
उदयपुर बेलका–४ की ५५ वर्षीया कुमारी आचार्यको घटनास्थलमै मृत्यु भयो। मोटरसाइकल चालक, उनका भाइ इटहरी–४ का ३५ वर्षीय हरि शर्मा गम्भीर घाइते भएका छन् र विराटनगरमा उपचार भइरहेको छ।
बस चालक सुमनलाल चौधरीलाई प्रहरीले नियन्त्रणमा लिएको छ। घटनाबारे अनुसन्धान जारी छ।
