झापा । सिन्धुलीको गोलञ्जोर गाउँपालिकास्थित खुर्कोट–१७ मा कोशी नदीको किनारबाट करिब २५ टन प्लास्टिकजन्य फोहाेरमैला सङ्कलन गरिएको छ । क्याप परियोजना अन्तर्गत क्रिएशन नेपालले गोलन्जोर गाउँपालिकाको सहकार्यमा सो फोहर सङ्कलन गरेको हो ।
क्रिएशनका संस्थापक र अध्यक्ष आनन्द मिश्रले करिब २५ टन बराबरको प्लास्टिकजन्य फोहोरमैला सङ्कलन गरी सुनकोसी नदीलाई फोहर हुनबाट रोकेको बताए । विगत लामो समयदेखि फोहोर डम्पिङ साइटको रूपमा परिणत भएको सो ठाउँबाट सो परिणामको प्लास्टिकजन्य फोहरमैला सङ्कलन गरी सफा बनाइएको उनले बताए ।क्याप परियोजना अन्तर्गत आयोजना गरिएको नदी सरसफाइ अभियान परियोजनाले परिचालन गरेको युवा स्वयंसेवक (यूथ कोहर्ट), सशस्त्र प्रहरी बल, नेपाल प्रहरी, ट्राफिक प्रहरी, स्थानीय सरोकारवालासँगको सहकार्यमा सरसफाइ गरिएको हो ।
