झापा । केही बर्षयता झापामा उद्योग – व्यवसाय क्षेत्रमा देखिएको आर्थिक मन्दी एवम् उद्योगी व्यवसायीहरूमा व्याप्त निराशालाई चिर्दै जिल्लाको अर्थतन्त्रलाई चलायमान गराउने उद्देश्यले झापा ओैंद्योगिक , व्यापार, कृषि तथा पर्यटन महोत्सव आयोजना गर्न लागिएको छ ।
झापा उद्योग बाणिज्य सङ्घको आयोजनामा झापाको भद्रपुरमा झापा ओैंद्योगिक , व्यापार, कृषि तथा पर्यटन महोत्सव २०८२ हुने भएको हो ।
आगामी माघ ७ देखि २१ गतेसम्म भद्रपुर–०८ को मेची रङ्गशालामा गर्ने तयारी रहेको सोमबार पत्रकार सम्मेलनमार्फत जानकारी गराएको छ ।
जिल्लाको समग्र आर्थिक तथा सामाजिक उत्थानका लागि उद्योग, व्यापार, शिक्षा, स्वास्थ्य, कृषि, पशुपङ्क्षी र पर्यटन क्षेत्रको प्रवद्र्धनमा टेवा पुर्याउने दिर्घकालीन र आन्तरिक बजार सवलीकरणका लागि व्यवसायिक उत्थान तथा निकासी योग्य वस्तुमा जोड दिने मध्यकालीन लक्ष्यसहित महोत्सव सञ्चालन गर्न लागिएको सङ्घका कार्यवहाक अध्यक्ष राजकुमार राईले जानकारी दिए । महोत्सवमा कम्तिमा १० करोड रुपैयाँ बराबरको करोवार तथा एक लाख बढी अवलोकनकर्ताले महोत्सव अवलोकन गर्ने लक्ष्यकासाथ महोत्सव सञ्चालन गर्न लागेको अध्यक्ष राईले बताए ।
पर्यटन, शिक्षा र स्वास्थ्य क्षेत्रमा अवसरको खोजी गर्ने, सूचनाप्रविधि सम्बन्धी जानकारी गराउने, व्यवसायिक चेतना अभिवृद्धि गर्ने, बजार अनुसन्धान एवम् नयाँवस्तु विकासका अवसर सिर्जना गर्ने, स्थानीय लोक संस्कृतिलाई अन्तर्राष्ट्रिय पहिचान दिलाउने, उत्पादन र उपभोक्ताबीच सम्बन्ध अभिवृद्धि गर्ने, देश विदेशका व्यवसायीहरुसँग अनुभव आदान प्रदानको अवसर प्रदान गर्ने,पर्यटकीय स्थलहरुको पहिचान गरी सोको प्रवद्र्धनमा सहयोग पुर्याउन उद्देश्य रहेको उल्लेख छ । स्थानीय उत्पादनमा गुणत्मक सुधार गरी अन्तर्राष्ट्रिय बजारमा प्रतिस्पर्धी बनाउँन सहयोग गर्ने, स्थानीय वस्तु तथा सेवाको बजार प्रवद्र्धन गर्ने एवम् उद्यमी व्यवसायीहरुलाई प्रोत्साहन गर्नेलगायतका विभिन्न उद्देश्यसहित महोत्सवको तयारी गरिएको पत्रकार सम्मेलनमा वितरीत प्रेस विज्ञप्तीमा उल्लेख छ । महोत्सवको संरक्षक भद्रपुर नगरपालिका रहेको छ ।
आयोजना हुन लागेको महोत्सवमा लक्ष्य पूरा गर्न घरेलु, कृषि, पर्यटन तथा अन्तरास्ट्रिय वस्तु तथा सेवाहरूको प्रवद्र्धनका लागि एकसय स्टल रहने जनाइएको छ ।
आयोजक संस्थाका कार्यवहाक अध्यक्ष राईको अध्यक्षता भएको पत्रकार सम्मेलनमा हजारौंले अवलोकन गर्ने महोत्सवमा करोडौँको कारोवार हुने अपेक्षा गरेको जनाए ।
भद्रपुरका उद्योगी तथा व्यवसायीहरु दिपेश ढकाल, नितेश वर्मा,महावीर मित्रुका, सागर घिमिरे, अम्बिका पोखरेल गायतका दर्जनौं उद्योगी व्यवसायीहरुको उपस्थिति रहेको थियो ।
ंमहोत्सव २०८२ ले वर्तमान विषम परिस्थितिलाई चिर्दैं उद्योगी तथा व्यवसायीहरूलाई आफ्ना उत्पादनहरू, सेवाहरू र व्यापारिक गतिविधि आत्मसात गर्ने प्लेटफम प्रदान गर्ने अपेक्षा गरिएको उद्योगी दिपेश ढकालले बताए ।
सन् २०१९ को कोभिड महामारी र हालको आर्थिक मन्दी पछि पुनः आर्थिक क्षेत्रलाई चलायमान बनाई आर्थिक वृद्धि हासील गर्न खोजीरहेका उद्योगी व्यवसायीलाई यो महोत्सव एउटा महत्वपूर्ण बन्ने अर्का उद्योगी आदित्य पराजुलीले बताए ।
भद्रपुर नगरपािलका वडा नम्बर ८ को सिफारीसमा झापा जिल्ला खेलकुद विकास समितिले महोत्सव स्थलका लागि स्वीकृति प्रदान गरेको उल्लेख छ ।
होत्सव सम्पन्न गर्न विभिन्न नौ वटा उपसमिति गठन भएको छ । आदित्य पराजुली संयोजक रहने गरी आर्थिक सङ्कलन तथा व्यवस्थापन समिति, खड्गबहादुर लिम्बु संयोजक रहने गरी मञ्च व्यवस्थापन समिति,पवनकुमार श्रेष्ठको संयोजकत्वमा स्टल व्यवस्थापन समिति, माधव विद्रोहीको संयोजकत्वमा प्रचार प्रसार समिति,रोहित काफ्लेको संयोजकत्वमा उपहार तथा प्रकासन समिति,अम्बिका पोख्रेलको संयोजकत्वमा सुरक्षा तथा स्वयम् सेवक समिति, अनिता कार्कीको संयोजकत्वमा स्वागत तथा सत्कार समिति, राजेन्द्रकुमार घिमिरेको संयोजकत्वमा अनुगमन समिति निर्माण गरिएको जनाइएको छ ।
कृषि उत्पादन,बीउबीजन तथा मलखाद, कृषि औजार, प्रविधि तथा यन्त्र, जडीबुटी तथा औषधि, पर्यटन तथा शैक्षिक संस्था, छाला तथा छालाका सामानहरु, गार्मेन्ट तथा जुत्ता चप्पल,गलैचा तथा पश्मिना,सौर्य उर्जा तथा जल विद्युत,मोवायल तथा सूचना प्रविधि, घरजग्गा तथा निर्माण सामग्री, बैङ्क तथा वित्तिय संस्था, फनिर्चर तथा फर्निसिङ्ग, दैनिक उपभोग्य सामानलगायतका वस्तु महोत्सवको स्टलमा र प्रदर्शनी तथा कारोवारका लागि राखिने छ ।
सेल्फीजोन, मनोरञ्जनात्मक खेल तमसा, स्थानीय तथा राष्ट्रियस्तरको साङ्गितीक र हास्यव्यङ्य कार्यक्रम ,स्थानीय गीत तथा नृत्य र साँस्कृतिक कार्यक्रम , बाल उद्यान,विभिन्न जातजातिको साँस्कृतिक, परम्परागत प्रदर्शनी तथा झाँकी प्रदर्शन मनोरञ्जनात्मक आकर्षण हुने बताईएको छ ।
पत्रकार सम्मेलनमा भद्रपुर नगरपालिका उपप्रमुख राधा कार्कीले यो महोत्सवको भद्रपुर नगरपालिकाले अपनत्व लिने बताईन् । पत्रकार सम्मेलनमा पत्रकारहरूले राखेको जिज्ञाशामा महोत्सव आर्थिक सङकलन तथा व्यवस्थापन समिति संयोजक आदित्य पराजुली,उद्योगी दिपेश ढकाल, नितेश बर्मा, भद्रपुर नगरपालिका वडा नम्बर ८ का वडाध्यक्ष मनोज सुब्बाले जवाफ दिएका थिए । पत्रकार सम्मेलनको सहजीकरण संस्थाका महासचिव सुमन मैनालीले गरेका थिए ।
