झापा / झापाको काकरभिट्टामा लागू औषध एकजना लाई प्रहरीले पक्राउ गरेको छ।
पक्राउ पर्नेमा पाँचथरकाे मिक्लाजुङ गाउँपालिका १ घर भई झापाको शिवसताक्षी नगरपालिका ८ बस्ने वर्ष २५ को जितेन्द्र आङ्देम्वे रहेको प्रहरीले जनाएको छ ।
प्रहरीका अनुसार आज बेलुकी ५ बजेको समयमा लागु औषध नियन्त्रण व्यूरो काँकरभिट्टा झापाबाट खटिएको प्रहरी टोलिले झापाको मेचीनगर नगरपालिका -६ पुरानो मेचीपुल स्थित भारतको पानीट्याङ्कीबाट नेपाल तर्फ सिटिसफारीमा सवार भई आई रहेको र शंकास्पद लागि शरिर तलासी लिने क्रममा निजको मलद्वारबाट निलो रङ्गको प्लाष्टिकको पोका फेला परेको थियोे । उक्त पोकालाई खोली हेर्दा लिसाईलो पदार्थ जस्तो देखिने लागु औषध (खैरो हेरोईन) रहेकोले उक्त लागु औषध मान्यता प्राप्त डिजिटल तराजुमा नापतौल गर्दा प्लाष्टिक सहित २ ग्राम ६३० मिलिग्राम, प्लाष्टिक बाहेक २ ग्राम ८ मिलिग्राम लागू औषध (खैरो हेरोइन) रहेकोले लागु औषध सहित निजलाई पक्राउ गरी थप अनुसन्धान भइरहेको जिल्ला प्रहरी कार्यालय झापाले जानकारी दिएको छ।
