मेचीनगरमा ११३ जना क्षयरोगका बिरामी

झापा । झापाको मेचीनगरमा ०८० साउनदेखि माघ मसान्तसम्म ११३ जना क्षयरोगका बिरामी फेला परेका छन् । नगर स्वास्थ्य शाखाका क्षयरोग फोकल पर्सन सदिक्षा भट्टराईका अनुसार  नगरका सबै वडाहरुमा क्षयरोगी भेटिएको छ । चालु आर्थिक बर्षमा सबैभन्दा बढी मेचीनगर वडा नं. ६ मा २४ जना क्षयरोगी फेला परेको फोकल पर्सन भट्टराईले बताए। 

उनका अनुसार वडा नं. १ मा ५ जना, वडा नं. २ मा ४ जना, वडा नं. ३ मा ३ जना, वडा नं. ५ मा ३ जना, वडा नं. ७ मा ६ जना, वडा नंं. ८ मा ५ जना क्षयरोगी भेटिएका छन भने वडा नं. ९ मा ९ जना, वडा नं. ११ मा ६ जना, वडा नं. १२ मा ५ जना, वडा नं. १३ मा २ जना र वडा नं. १४ मा २ जना ,वडा नं. १५ मा १४ जना, वडा नं. १० मा १३ जना र वडा नं. ४ मा १२ जना क्षयरोगी फेला परेका छन । त्यस्तै क्षयरोगीलाई नगरको स्वास्थ्य शाखाको टिमले फेला पारेको फोकल पर्सन भट्टराईले बताए ।

मेचीनगरका क्षयरोगीहरुका लागि छातीको एक्सरे समेत नगरपालिकाले निशुल्क गर्ने व्यवस्था मिलाएको छ।

गत आर्थिक बर्ष २०७९/०८० मा नगरमा २०५ जना क्षयरोगी फेला परेकामध्ये जटिल प्रकृतिको क्षयरोगी ७ जना भेटिएको जनाइएकाे छ  । चिकित्सकको नियमित सम्पर्कमा बसेर ६ महिना औषधी सेवन गर्दा क्षयरोग पूर्ण रुपमा निको हुने स्वास्थ्यकर्मी बताउँछन् ।