झापा । अवैध लागुऔषध कोकिनसहित दुई विदेशी नागरिकलाई प्रहरीले पक्राउ गरेको छ ।लागुऔषध नियन्त्रण ब्यूरोको टोलीले एक किलो एक सय ग्राम काेकिनसहित भारतीय नागरिक २३ वर्षीय फहिमुद्दिननासिमुद्दिन अन्सारी
तथा नाइजेरियन नागरिक ४४ वर्षीय इकेचुकवा सिरिल ओबोडोइफुला रहेकाे लागुऔषध
नियन्त्रण ब्यूरोका प्रमुख एवं प्रहरी वरिष्ठ उपरीक्षक दिनेशकुमार आचार्यले जानकारी दिए । कतार एअरलाइन्सबाट यही साउन १
गते नेपाल आएका नाइजेरियन नागरिक ओबोडोइफुलाले ल्याएको उक्त कोकिनसहित
भारतीय नाकगरिक अन्सारीलाई ठमेलबाट पक्राउ गरिएको उनले जनाए ।
उक्त कोकिन लिएर आएका नाइजेरियन नागरिक ओबोडोइफुलालाई पनि काठमाडौँको पिङ्गलास्थानबाट पक्राउ गरिएको प्रमुख आचार्यले बताए। उक्त कोकिन लिन आएका अन्सारी इन्डिगो एअरलाइन्ससबाट मुम्बई हुँदै काठमाडौँ आएका खुल्नमा आएको ब्यूरोले जनाएको छ ।
उक्त कोकिन क्याप्सुल बनाएर ज्याकेटमा लुकाएर कतारदेखि ल्याएको खुलेको प्रहरीले जनाएको छ । पक्राउ परेकाहरुमाथि लागुऔषध नियन्त्रण ऐन २०३३ अनुसार कारबाही हुने जनाइएकाे छ ।
