इलाममा टिपरको ठक्करबाट मोटरसाइकलमा सवार बाबुछोराको मृत्यु भएको छ ।
जिल्लाको रोङ गाउँपालिका–३ हाँसपोखरीस्थित मेची राजमार्गमा शुक्रबार साँझ टिपरले मोटरसाइकललाई ठक्कर दिँदा घाइते भएका बाबुछोराको मृत्यु भएको हो ।
साँझ ६ः४० बजे रोङ– ३ हाँसपोखरीस्थित मेची राजमार्गमा इलामबाट झापातर्फ आउँदै गरेको को १ ख ६४६२ नम्बरको टिपरले बिपरित दिशाबाट जाँदै गरेको प्रदेश १–०३–००१ प १५८५ नम्बरको मोटरसाइकललाई ठक्कर दिँदा चालक सूर्योदय ६ खादीगाउँ बस्ने बर्ष अन्दाजी ४० का दिर्घ राई र पछाडि सवार उनका बुबा बर्ष अन्दाजी ७० का पवनकुमार राईको मृत्यु भएको प्रहरीले जनाएको छ ।
दुर्घटनामा घाइते भएकाउनीहरुको राति नै उपचारको क्रममा बीएण्डसी अस्पतालमा मृत्यु भएको हो ।
मोटरसाइकल, टिपर, टिपर चालक माईजोगमाई –२ शान्ति चोक बस्ने वर्ष अन्दाजी ३० का खगेन्द्र थामीलाई प्रहरी चौकी फिक्कलले नियन्त्रणमा लिएको जिल्ला प्रहरी कार्याय इलामले जनाएको छ ।
