झापा । झापाका पाँच निर्वाचन क्षेत्रमा पनि
निर्वाचनका लागि उम्मेद्वारहरुले खर्च गर्न पाउने सिमा निर्वाचन आयोगले
तोकेको छ ।
उम्मेद्वारले खर्च गर्न पाउने अधिकतम रकम पनि फरक फरक निर्धारण गरिएको छ । झापा १ का उम्मेद्वारहरुले अधिकतम २९ लाख रुपैयाँ चुनावी खर्च गर्न पाउने निर्वाचन आयोगले तोकेको छ । त्यस्तै झापा ४ का उम्मेद्वारले पनि २९ लाखसम्म नै खर्च गर्न पाउँछन । त्यस्तै झापा क्षेत्र नं. २, ३ र ५ का उम्मेद्वारले अधिकतम ३१ लाख रुपैयाँ खर्च गर्न पाउने निर्वाचन आयोगले सिमा तोकेको छ ।
निर्वाचन आयोगका अनुसार देशभरका उम्मेद्वारले क्षेत्र अनुसार अधिकतम न्यूनतम २५ लाखदेखि अधिकतम ३३ लाखसम्म निर्वाचन खर्च गर्न पाउनेछन । प्रत्येक उम्मेद्वारले चुनावका लागि बेग्लै बैंक खाता खोलेर चेक मार्फत चुनावी खर्च गर्नु पर्ने र त्यसको विवरण आयोगमा बुझाउनु पर्ने व्यवस्था समेत निर्वाचन आयोगले गरेको छ ।
