मिति २०८२/०५/०२ गते राति २३:५५ बजे, झापाको बिर्तामोड नगरपालिका–६, बुट्टावारीस्थित लाल ब तामाङले सञ्चालन गरेको काठ, बाँस र टिनको छानो भएको चिया पसलमा आगलागी भएको छ। प्रारम्भिक अनुसन्धान अनुसार, विद्युतिय चुलोको तार सट हुँदा आगो सल्किएको थियो।
आगलागीमा पसलमा रहेको काठ, प्लास्टिकको टेबल, फ्रिज र किचनका अन्य सामान गरी करिब २,००,००० रुपैयाँ बराबरको सामग्री जलेर नष्ट भएको छ। मानविय वा चौपाय क्षति भने भएको छैन।
प्रहरी, स्थानीय बासिन्दा र बिर्तामोड नगरपालिकाको दमकलको सहयोगमा आगो मिति ०३ गते ००:२५ बजे नियन्त्रणमा लिइएको थियो। थप अनुसन्धान जारी रहेको छ।
