झापा । बडादशैंको अवसर पारी घटस्थापनाका दिन आयोजना गरेको दोस्रो भद्रपुर रन प्रतियोगितामा पुरुषतर्फ हप्ना टुडु र महिलातर्फ बिन्दा राई प्रथम भएका छन् । भद्रपुर ८ नम्बर वडा कार्यालयले आयोजना गरेको थियाे । प्रतियोगितामा पुरुषतर्फ भद्रपुर–४का टुडुले ८.५ किलोमिटर दौड २६ मिनेटमा र भद्रपुर–२ की राईले ६ किलोमिटर दौड २६ मिनेट ३ सेकेन्डमा पूरा गरेका थिए । उनीहरूले नगद ३१ हजारसहित प्रमाणपत्र पाएका छन् । त्यस्तै पुरुषतर्फ दोस्रो सुनिराम हेमरम, तेस्रो इन्द्र मगर, चौथो अंकित राई, पाँचौँ विवेक लिम्बु, छैटौँ अविक राई, सातौँ शिव हेमरम, आठौँ नरेश खड्का, नवौँ सुरेश गुरुङ र दसौँ दिलकुमार राजवंशी भएका थिए ।
महिलातर्फ दोस्रो रक्षा मर्डी, तेस्रो रिता र्मुर्मु, चौथो आकृति
लिम्बु, पाँचौँ एलिना टुडु, छैटौँ सुजना तामाङ, सातौँ झरना श्रेष्ठ, आठौँ
नुमा लिम्बु, नवौँ ऋतु लिम्बु र दसौँ आशा राई भएका थिए ।
उनीहरूलाई
क्रमशः २१ हजार, ११ हजार, ५ हजार, २ हजार र छैटौँदेखि देखि १० औसम्मलाई नगद
एक हजार पुरस्कार र प्रमाणपत्र प्रदान गरिएको थियो । विजेता खेलाडीहरूलाई
कोशी प्रदेशका भौतिक पूर्वाधार विकास राज्यमन्त्री भूमिप्रसाद राजवंशी,
भद्रपुर नगर प्रमुख गणेश पोखरेल, भद्रपुर झापा गोल्डकपमा अध्यक्ष दीपेश
ढकाल, ८ नम्बर वडा अध्यक्ष गौरव सुब्बा (मनोज), भद्रपुर नगरपालिका प्रमुख
प्रकाशकीय अधिकृत सुनिल निरौला लगायतका पुरस्कार दाताहरूले पुरस्कार प्रदान
गरेका थिए । दाैडमा २ हजार ५ सय जना भन्दा बढी सहभागी भएकाे आयाेजक समितिले जनाएकाे छ ।
