झापा / झापामा प्रहरीले अबैध रूपमा भारतबाट भन्सार छलि ल्याइँदै गरेका विभिन्न प्रकारका पट्का र झिलिमिली लाइट बल्ब बरामद गरेको छ।
हिजाे राति करिब १०:२५ बजे, झापाकाे भद्रपुर नगरपालिका–५, राई बस्तीमा ४ वटा प्लास्टिकका बोरामा प्याक गरी ल्याइँदै गरिएको अवस्थामा बरामद गरिएकाे हाे । ती बोरामा रहेका पट्का र झिलिमिली बल्बको कुल अनुमानित मूल्य करिब रु. ४,००,००० (चार लाख मात्र) रहेको प्रहरीले जनाएको छ।
गोप्य सूचनाका आधारमा जिल्ला प्रहरी कार्यालय अन्तर्गत भद्रपुर इलाका प्रहरी कार्यालयबाट खटिएको टोलीले उक्त सामान नियन्त्रणमा लिएको हो। प्रहरीलाई देख्नेबित्तिकै सम्बन्धित व्यक्तिहरू सामान फालेर फरार भएका थिए। बरामद गरिएकाे माल हाल भद्रपुर इलाका प्रहरी कार्यालयमा राखी आवश्यक अनुसन्धान गरिरहेकाे जिल्ला प्रहरी कार्यालय झापाले जानकारी दिएको छ।
