काठमाडाैं । नेपाली कांग्रेस झापा–काठमाडौं सम्पर्क समितिको तेस्रो अधिवेशनबाट चार वर्षीय कार्यकालकाे लागि १९ सदस्यीय कार्यसमिति चयन भएका छन् । शनिबार काठमाडाैंमा भएकाे निर्वाचनबाट समितिकाे अध्यक्षमा नवीन जोशीसहित १९ सदस्यीय निर्वाचित भएकाे निर्वाचन संयाेजक डा. रुद्र शर्माले जानकारी दिदै समिति चयनकाे क्रममा सहमति हुन नसकेपछि निर्वाचन प्रक्रियामा गएकाे थियाे तर निर्वाचन प्रक्रियामा भने सहमति भएकाे जनाए ।
समितिको काठमाडौंमा सम्पन्न भेलाले सभापतिमा जोशी, उपसभापतिमा उमा श्रेष्ठ, भुपेन्द्र सिटौला र लक्ष्मीप्रसाद ओली, महासचिवमा तुलसा पन्त निर्वाचित भएका छन् भने प्रवक्तामा सागरकुमार घिमिरे, सचिवमा सञ्जय ढकाल र कोषाध्यक्षमा यशोदा कार्की चयन भएका छन् ।त्यसैगरी सदस्यहरुमा सोमा शिवाकोटी, गोपालचन्द्र राजवंशी, विनोदकुमार दाहाल, कमलप्रसाद थपलिया, हेम भण्डारी, दिपक खड्का, रोशन लामिछाने, भीमकुमार कटुवाल, विष्णुप्रसाद पाठक, मनोजकुमार नेम्वाङ र बसन्धरा चौहानसहित १९ सदस्यीय कार्यसमिति चयन गरिएको छ भने निर्वाचित अध्यक्षबाट पाँच जना सदस्य मनाेनयन गर्ने विधानमा भएकाे नवनिर्वाचित सदस्य सोमा शिवाकोटीले देश प्रदेश खबरलाई जानकारी दिइन ।
यसअघि नेपाली कांग्रेसका नेता कृष्णप्रसाद सिटौलाको प्रमुख आतिथ्यमा सम्पन्न उद्घाटन कार्यक्रममा प्रमुख अतिथि सिटौला, नेपाली कांग्रेस कोशी प्रदेशका सभापति उद्धव थापा, नेपाली कांग्रेस झापाका सभापति देउकुमार थेवे, सरिता प्रसाईं, नानु बास्तोला नेपाल सांस्कृतिक संघका अध्यक्ष तिर्थ थापा, खगेन्द्र अधिकारी, जोगिन्दर लगायतले शुभकामना मन्तव्य राखेका थिए ।
दिपक उप्रेतीको सभापतित्वमा सम्पन्न कार्यक्रममा स्वागत मछिन्द्र शेर्मा र सञ्चालन महासचिव चन्द्र घिमिरेले गरेका थिए ।
