झापा । झापाको कचनकवलमा हात्तीलाई छेक्न आफैले लगाएको तारबारमा प्रबाह गरेको करेन्ट लागेर एकजनाको घटनास्थलमै मृत्यु भएको छ ।
मृत्यु हुनेमा कचनकवल गाउँपालिका ७ बैगुनबारी बस्ने ६५ वर्षीय
तीर्थनाथ खनाल रहेकाे जिल्ला प्रहरी कार्यालय झापाले जनाएकाे छ । आज बिहान ८ः३० बजे आफ्नै बारीमा बाख्रा चराउनको लागि गएकोमा तारबारमा छुन पुगी
घटनास्थलमै मृत्यु भएको जिल्लाका डिएसपी खगेन्द्रबहादुर खड्काले जानकारी दिए ।
थप अनुसन्धानको लागि जिल्ला प्रहरी कार्यालय झापाबाट प्रहरी निरीक्षक बिजय चौहानको कमाण्डमा प्रहरी टोली गएको डीएसपी खड्काले जानकारी दिए ।
यसअघि जेठ २३ गते कनकाई वडा नं. २ जामुनखाडीमा हात्तीलाई छेक्न लगाएको तारबारबाट करेन्ट लाग्दा ८ जना घाइते भएका थिए ।
