झापा । झापा सामुदायिक बचत तथा ऋण सहकारी संस्था लिमिटेड भद्रपुर ७ ले सञ्चालकहरुको दुईनिदे क्षमता विकास तालिम सम्पन्न गरेको छ । संस्थाका अध्यक्ष हरिप्रसाद गौतमको सभापतित्व एवम बचत तथा ऋण सहकारी महासंघ(नेफ्स्कुन)का केन्द्रीय महासचिव घनश्याम अधिकारीको प्रमुख आतिथ्यमा तालिम सम्पन्न गरेको हो ।
शुक्रबार सञ्चालन गरिएको पहिलो दिनको तालिम प्रमुख अतिथि एवम प्रशिक्षक घनश्याम अधिकारीले प्रशिक्षण दिएका थिए । पछिल्लो समय चौतर्फी रुपमा सहकारी संस्थामाथि विभिन्न तरिकाले कानुनी आक्रमण भइरहेको प्रशिक्षणका क्रममा उनले उल्लेख गरे । सहकारीमाथि राष्ट्रको समेत ध्यान केन्द्रीत भइरहेको र सहकारीमा नयाँ कानुन लागूहुने तयारीमा रहेको प्रशिक्षण मार्फत जानकारी गराएका थिए । सहकारी आवश्यक र चुनौति दुवै देखा परेको हुँदा केही कानूनी जटिलताका विषयमा सरकारसँग समन्वय र छलफल भइरहेको समेत तालिममा सहभागिलाइ जानकारी गराएका थिए ।
सहभागिलाइ शनिबार बचत तथा ऋण सहकारी महासंघ(नेफ्स्कुन)का कार्यक्रम अधिकृत तथा तालिमका प्रमुख प्रशिक्षक सुमनराज घिमिरेले प्रशिक्षण दिएका थिए । सहकारीको अवधारणा,अन्तर्राष्ट्रिय मूल्य,मान्यता र सिद्धान्त,पूर्ण तथा व्यवसायिक सहकारी विकास कार्यक्रम(प्रोवेशन)को परिचय,साकोसमा सञ्चालक समितिको काम,कर्तव्य,भूमिका र जिम्मेवारी लगायतका कानूनी विषयहरुका बारेमा उनले प्रशिक्षण दिएका थिए ।
संस्थाका सञ्चालक समिति र विभिन्न उपसमितिसहित कर्मचारी सहभागिता रहेको तालिममा सहभागिहरुले जिज्ञासा र सुझाव राखेका थिए ।
समापन कार्यक्रममा सहभागिहरुका तर्फबाट भगवती बस्नेत र गोविन्द कोइरालाले तालिमको सिकाइ अनुभव सुनाएका थिए ।
संस्थाका उपाध्यक्ष भरत पोखरेलले औचित्यमाथि प्रकाश पारेर सुरु गरिएको कार्यक्रममा सहभागिहरुलाइ प्रमाणपत्र र प्रशिक्षकलाइ मायाकाे चिनाे समेत वितरण गरिएको थियो ।
संस्थाका अध्यक्ष हरिप्रसाद गौतमले धन्यबाद दिएको कार्यक्रममा सचिव मीनप्रसाद पोखरेलले सहजीकरण गरेका थिए ।
