झापा । झापा हल्दीबारी १ का ६१ वर्षीय नरबहादुर विक २४ वर्षपछि पक्राउ परेका छन् । ठगी मुद्दाका फरार प्रतिवादी विकलाइ जिल्ला प्रहरी कार्यालय झापाबाट खटिएको प्रहरी टोलीले पक्राउ गरेको जिल्लाका डीएसपी खगेन्द्र बहादुर खड्काले बताए ।
झापा जिल्ला अदालतमा आज उपस्थित गराई अदालतको आदेशले झापा कारागार पठाइएको डीएसपी खड्काले जानकारी दिए । ठगी मुद्दामा झापा जिल्ला अदालतको २०५७ भदौ ४ गतेको फैसला उल्टी हुने ठहरी तत्कालीन पुनरावेदन अदालत इलामबाट २०५८ माघ २२ गतेको फैसला अनुसार उनलाई १ वर्ष कैद र ५३ हजार ३३३ रुपैयाँ जरिवाना फैसला सुनाइएको थियो ।
