झापा / झापाकाे भद्रपुरमा नाबलिकहरुलाई जबरजस्ति करणी गर्ने दुई जना पक्राउ परेका छन् ।
पक्राउ पर्नेमा भद्रपुर नगरपालिका वडा नं ५ बस्ने २१ वर्षीय अक्षय सापकाेटा र वडा नं ३ वस्ने २३ वर्षकाे विवेक राई रहेकाे जिल्ला प्रहरी कार्यालय झापाले जानकारी दिएकाे छ ।
प्रहरीका अनुसार मंसिर २८ गते १५वर्षीया साङ्केतिक नाम ब- १ र १३ वर्षीया भ -१ दुबै जना घरबाट हराएका थिए । भाेलिपल्ट उनीहरुका आफन्तले भेटी साेधपुक्ष गर्ने क्रममा २८ गते उनीहरु भद्रपुरमा लागिरहेकाे मेला हेर्न आएकाे र साेहि क्रममा सापकाेटा र राईले दुबै जनालाई ललाई फकाइ सापकाेटाकाे घरमा लगेर छुट्टाछुट्टै काेठामा राखेर रातकाे अन्दाजी १२ः३० बजेकाे समयमा सापकाेटाले साङ्केतिक नाम भ- १ लाई र राईले साङ्केतिक नामा ब -१ लाई जबरजस्ति करणी गरेकाे बताएपछि निजका आफन्तले प्रहरीमा जाहेरी दर्ता गराएका थिए ।
प्रहरीले राईलाई पुस १ गते र सापकाेटालाई पुस २ गते पक्राउ गरि जिल्ला प्रहरी कार्यालय झापामा राखि थप अनुसनधान भइरहेकाे प्रहरीले जानकारी दिएकाे छ ।
