झापा । सोमबार(आज) देशभरका चलचित्र घर (फिल्म हल) बन्द हुने भएका छन् । सरकारले अव्यवहारिक कर लगाएको भन्दै खारेजीको माग राखेर देशभरका हल बन्द गर्न लागिएको हो ।
मूल्य अभिवृद्धि करबाहेक अन्य अव्यवहारिक करहरुको खारेजीको माग गर्दै सोमबार देशभरका फिल्म हल बन्द गर्ने नेपाल चलचित्र संघले केही दिन अगाडि निर्णय गरेको थियो । सोही निर्णयको समर्थन गर्दै क्युएफएक्सले पनि हल बन्द रहने जानकारी दिएको हो ।क्युएफएक्सले आफ्नो पेजमा भनेको छ, ‘मूल्य अभिवृद्धि करबाहेक अन्य अव्यवहारिक करहरुको खारेजीको माग गर्दै सोमबार माघ २२ गते सम्पूर्ण हल बन्द रहनेछ ।
साथै दर्शकवृन्दमा पर्न गएको असुविधा प्रति हामी क्षमा प्रार्थी छौ । सबैबाट सहयोगको आशा समेत गर्दछौ ।’
