झापा । झिलझिले – पूर्व पश्चिम राजमार्ग अन्तर्गत झापाको झिलझिरेमा बुधबार बिहान दुर्घटना हुँदा तीन जनाको मृत्यु भएको छ। पश्चिमबाट पूर्वतर्फ जाँदै गरेको में ३ प ५००१ नम्बरको मोटरसाइकलमा सवार तीनै जनाको मृत्यु भएको बिएण्डसी अस्पतालका जनसम्पर्क अधिकारी प्रमिस गिरीले जनाएका छन्।
विपरीत दिशाबाट आएको प्रदेश १-००१-००१ च ९३२९ नम्बरको बोलेरोले अनियन्त्रित मोटरसाइकललाई ठक्कर दिएको थियो । सो दुर्घटनाबाट गम्भीर घाइते भएका तीनैजनाको उपचारका लागि अस्पताल लगिएको थियो। चिकित्सकले तीनै जनालाई मृत घोषणा गरेका थिए।
मृतकको साथमा चुरोट, १ देखि २०० सम्म नेपाली नगद रुपैयाँ मात्र फेला परेको प्रहरीले जनाएको छ । प्रहरीका अनुसार मोटरसाइकल चालकले बिना हेल्मेट मोटरसाइकल चलाइरहेका थिए। मृतक तिनै जनाको पहिचान खोल्ने डकुमेन्ट फेला नपरेको अस्पतालले जनाएको छ।
