झापा / धनुषाको मिथिला बिहारी नगरपालिका वडा नम्बर ९ अन्दुपट्टीका वडाध्यक्ष विन्देश्वर यादवको गोली हानेर हत्या गरेको आरोपमा प्रहरीले आइतबार प्रहरीसहित चार जनालाई पक्राउ गरेको छ ।
पक्राउ पर्नेमा जिल्ला प्रहरी कार्यालय सप्तरीमा कार्यरत प्रहरी सहायक हवल्दार ३५ वर्षिय शम्भु कुमार यादव, ३० वर्षिय धर्मनाथ यादव,२८ वर्षिय पप्पू यादव र २८ वर्षकै मनोज कुमार यादव रहेका छन् । उनीहरू सोही वडाका हुन् ।
२८ कात्तिक साँझ दुखी यादवको मृत्यु संस्कारको १० दिनको भोज ढिलो समयमा सुरु गरेको विषयलाई लिएर दुई पक्षबिच विवाद भएपछि वडाध्यक्षले विवाद मिलाउन खोज्दा उनीमाथ नै गोली प्रहार भएको थियो । वडाध्यक्ष यादवमाथि उनी शम्भुकुमारले गोली प्रहार गरेको पीडित पक्षको दाबी छ ।
हत्यामा संलग्नहरूको साथबाट पेस्तोल थान–१,गोलीको खोका–१ समेत बरामद गरी घटनामा संलग्नहरूलाई विभिन्न स्थानबाट पक्राउ गरी जिल्ला अदालत धनुषाबाट म्याद लिई थप अनुसन्धान भइरहेको प्रहरी नायव उपरीक्षक गणेश बहादुर बमले बताए ।
