झापा । आगामी फागुन २१ गते हुने प्रतिनिधिसभा सदस्य निर्वाचनमा झापाको पाँचवटा मतदान केन्द्रमा महिला कर्मचारी मात्रै खटिने भएका छन् ।
जिल्ला निर्वाचन कार्यालय झापाले दिएकाे जानकारी अनुसार पाँचवटा मतदान केन्द्रमा मतदान अधिकृतदेखि सहयोगी कर्मचारीसम्म सबै
महिला खटाइने छ ।प्रत्येक निर्वाचन क्षेत्रमा एक–एक वटा मतदान केन्द्रमा महिला
कर्मचारी मात्र राख्ने गरी तयारी भइरहेको जिल्ला निर्वाचन अधिकारी तुलसी कुमार
नेपालले बताए । प्रत्येक निर्वाचन क्षेत्रमा एक–एकवटा मतदान केन्द्र
महिला कर्मचारी मात्रै भएको व्यवस्था गर्न लागेकाे उनले जानकारी दिए ।
जिल्लामा ९ हजार सुरक्षाकर्मी र ७ हजार ३८० जना कर्मचारी परिचालन गरिने कार्यालयले जनाएकाे छ ।
